द प्रदेश टाइम्स / काठमाण्डाै – नेपालमा कोरोना भाइरसबाट दैनिक औसतमा आठ जनाको ज्यान जान थालेको स्वास्थ्य मन्त्रालयले जनाएको छ । असोज महिनाको तथ्याङ्क हेर्दा औसतमा दैनिक ८ जनाको ज्यान गएकाे पाइएको स्वास्थ्य तथा जनसंख्या मन्त्रालयका डा. जागेश्वर गौतमले जानकारी दिनुभयो ।
भदौ ३१ गतेसम्म कोरोनाबाट ज्यान जानेको संख्या तीन सय ७९ थियो । आज यो संख्या बढेर पाँच सय २८ पुगेको छ । पछिल्लो १७ दिनमा मात्र एक सय ४९ जनाको कोरोना सङ्क्रमणबाट ज्यान गएको छ ।
कोरोना सङ्क्रमणबाट ज्यान गुमाउनेहरुमा कडा खालको रोग भएकाहरु बढी रहेको भन्दै स्वास्थ्य मन्त्रालयका प्रवक्ता डा. गौतमले ६० वर्षमाथिका नागरिक तथा दीर्घरोग भएकाहरु सकेसम्म घर बाहिर ननिस्कन आग्रह गर्नुभयो ।
तपाईको प्रतिक्रिया !