जनकपुरधाम। धनुषाको हँसपुर नगरपालिकामा ६ दिवसीय प्रथम मेयर कप खुल्ला पुरुष प्रतियोगिता मगलवार सम्पन्न भएको छ ।
खुल्ला भलिबल प्रतियोगितामा २० वटा टीम सहभागी भएका थिए । ती मध्ये प्रथम विजेता टीमलाई शिल्ड, प्रमाणपत्र तथा नगद ७५ हजारको पुरस्कार वितरण गरिएको छ । त्यस्तै दोस्रो विजेतालाई शिल्ड प्रमाणपत्र तथा नगद ४१ हजार र तेस्रो विजेतालाई शिल्ड, प्रमाणपत्र तथा नगद २१ हजार रुपैया प्रदान गरिएको छ ।
हँसपुर नगरपालिकाका मेयर रामज्ञान मण्डलको अध्यक्षतामा भएको समापन कार्यक्रममा प्रथम विजेता बेल्ही टीम भएका थिए भने दोस्रो विजेता टीम सिरसिया र तेस्रो विजेता टीम पर्साही भएका थिए । सहभागी खेलाडीहरुलाई मेयर मण्डलले गम्छा ओढाएर सम्मान समेत गरेका थिए ।
समापन कार्यक्रमका प्रमुख अतिथि आन्तरिक मामिला तथा कानून मन्त्री ज्ञानेन्द्र कुमार यादवले नगरपालिकाले जग्गा उपलब्ध गराएमा मैदानको निर्माण प्रदेश सरकारले गर्ने जिकिर गरेका छन् ।
मन्त्री यादवले भने, ‘खेलकुदको विकासका र खेलाडीहरुको प्रोत्साहित गर्नका लागि एकेडमीहरु खुलेको र खुल्ने क्रम जारी छ ।
तर सबभन्दा बढी खुशी त्यो दिन हुने जब प्रदेश २ का खेलाडीहरु इन्टरनेशनल स्तरमा सहभागी हुन्छ ।’भाइटल गेममा प्रदेश २ का खेलाडीहरु सहभागी भएमा आफू यस प्रदेशमा पनि खेलाडीहरु छन् बुझ्ने मन्त्री यादवले भने, ‘प्रदेश सरकार खेलकुदका लागि छुटै बजेट ल्याउनेछ । हँसपुर नगरपालिकाले जग्गा उपलब्ध गराएमा यसैवर्ष १५देखि ३० लाख रुपैया खेलमैदानका लागि दिइने प्रतिबद्धता जनाउँछौं ।’
आउने दिनमा एउटा कोच केन्द्र प्रशिक्षण दिइ गईरहेका छौं । त्यसको तयारी पनि भई रहेको उनले बताए ।
कार्यक्रममा जनकपुर उद्योग वाणिज्य संघका महासचिव जितेन्द्र महासेठ, सोही वडाका वडाध्यक्ष लगायतका व्यक्तिहरु खेल सम्बन्धमा आफ्ना विचार राखेका थिए ।
