काठमाडौं, १३ फागुन । नेकपा उपाध्यक्ष वामदेव गौतमले नेपाल–प्रचण्ड समूहका अध्यक्ष पुष्पकमल दाहाल ‘प्रचण्ड’सँग ‘सर्प पनि मर्ने लौरो पनि नभाचिने’ प्रस्ताव राखेका छन् ।बिहीबार बिहानै अध्यक्ष प्रचण्डलाई भेट्न खुमलटार पुगेका गौतमले प्रधानमन्त्री केपी शर्मा ओलीलाई अपमान महसुस नहुने गरी प्रधानमन्त्रीबाट विदाइ गरेर नेकपा पनि बच्ने प्रधानमन्त्री पनि नेकपाबाटै चुन्न सकिने प्रस्ताव राखेका हुन् ।
दुईबीचको कुराकानीका क्रममा गौतमको प्रस्तावमा प्रचण्ड सकारात्मक देखिएको जनाइएको छ । बुधबार विज्ञप्तिमार्फत् ओली र प्रचण्डलाई पार्टी एकताको पहल गर्न गौतमले आग्रह गरेका छन् ।५ पुषमा प्रधानमन्त्री ओलीले संंसद् विघटन गरे पछि सर्वोच्च अदालतले संसद विघटनको कदम खारेज गरिदिएपछि प्रधानमन्त्री ओलीले तत्काल राजीनामा दिनुपर्ने भन्दै चौतर्फी विरोध भइरहेको छ । तर। पनि प्रधानमन्त्री ओलीले राजीनामा दिइसकेका छैनन् ।
उपाध्यक्ष गौतम भने पार्टी कार्यालय धुम्बाराहीमा सचिवालय बैठक बोलाएर पछिल्लो परिस्थितिबारे छलफल गर्नुपर्ने धारणा राख्दै आएका छन् ।
तपाईको प्रतिक्रिया !