काठमाडौं । एस्टन भिल्लालाई पराजित गर्दै वल्भ्स प्रिमियर लिगको अंकतालिकामा पाँचौ स्थानमा उक्लिएको छ । शनिबार घरेलु मैदानमा भएको खेलमा वल्भ्सले एस्टनभिल्लालाई १-० ले पराजित गरेको हो ।
खेलको ६२औं मिनेटमा लिएनडर डेनडोनकरले गरेको गोल नै वल्भ्सलाई जिताउन निर्णायक बन्यो ।
म्यानचेष्टर युनाइटेडलाई ३ अंकले पछि पारेको वल्भ्सको नजर शीर्ष चारमा छ । ३२ खेलबाट वल्भ्सको ५२ अंक छ । वल्भ्स एक खेल कम खेलेको लेस्टरभन्दा ३ र चेल्सीभन्दा २ अंकले पछि छ ।
उता हारपछि एस्टनभिल्लालाई भने रेलिगेसन खतरा बढेको छ । ३२ खेलबाट २७ अंक रहेको भिल्ला पूछारबाट दोस्रो स्थानमा छ । वेष्टह्याम र बर्नमाउथ समान अंक भएपनि भिल्ला गोलअन्तरमा पछि छ ।
लिग लिडर लिभरपुलले ७ खेल नै यस सिजनको प्रिमियर लिग उपाधि पक्का गरिसकेको छ ।
प्रतिक्रिया दिनुहोस्