वीरगञ्ज । ट्रकको ठक्करबाट नेपाल प्रहरीका एक जना असईको घटनास्थलमै मृत्यु भएको छ।मृत्यु हुनेमा पर्साको सखुवा प्रसौनी–६ लखनपुर घर भई रौतहटको इलाका प्रहरी कार्यालय सन्तपुरमा कार्यरत ४४ वर्षीय असई रमेश कुमार राउत रहेका छन् ।
प्रहरीका अनुसार बुधबार राति सवा ९ बजे बारा जिल्लाको माहागढीमाई नगरपालिका–२मा ट्रकको ठक्करबाट राउतको मृत्यु भएको हो ।
प्र.२–०३–००१ ख.०७१५ नम्बरको ट्रकले राउतले चलाएको स.५.प.९५३७ नम्बरको मोटरसाइकललाई ठक्कर दिँदा उनको घटनास्थलमै मृत्यु भएको बाराका प्रहरी प्रवक्ता एवम् प्रहरी नायब उपरीक्षक गौतम मिश्रले जानकारी दिए ।
मृतकको शव पोष्टमार्टमको लागि कलैया अस्पतालमा पठाइएको तथा ठक्कर दिने ट्रक र चालकलाई नियन्त्रणमा लिएर थप अनुसन्धान भइरहेको मिश्रले बताए।
