काठमाडौ भदौ २१। नवगठित जनता समाजबादी पार्टी (जसपा)नेपाल मा पार्टी समायोजन को काम सुरु भएको छ।तत्कालीन समाजबादी पार्टी र जनता पार्टी बिच गत बैशाख मा एकता घोषणा भएको थियो।असारमा निर्वाचन आयोग बाट आधिकारिकता पाए पछि जसपा मा समायोजन को काम सुरु भएको जनाइएको छ।
दुई दल बीचको बराबरको हैसियतमा समायोजन को प्रक्रिया सुरु भएको एक नेताले सगरमाथा दैनिक लाई जानकारी दिए ।सो पार्टी मा ५१ सदस्यीय कार्यकारिणी समिति सहित ७ सय ०१ जनाको केन्द्रीय कार्यसमिति हुने जनाइएको छ।जस मध्य तत्कालीन राजपा पार्टी को भागमा ३ सय २६ जना केन्द्रीय सदस्य परेका छन् ।यश अघि नै कार्यकारणी समिती को बारेमा भने मिलिसकेको छ।कार्यकारिणी समिति मा तत्कालीन राजपा नेपाल ले २६ र तत्कालीन समाजबादी पार्टी बाट २५ सदस्य पाएका छन् ।
केन्द्रिय समितिमा बाकी रह्यो ६५० को भागबन्डा त्यसमा भने तत्कालीन राजपा नेपाल ले ३ सय ५० र तत्कालीन समाजबादी पार्टी ले ३५० सदस्य प्राप्त गरेका छन् । ७०१ जनाको केन्द्रिय समिति मा ५० जना पदाधिकारी रहनेछन् जसमा २५-२५ जना भागबन्डा गरिएको छ।कार्यकारिणी समिति मा रहेका सबै जना पदाधिकारी हुने जनाइएको छ।
तत्कालीन राजपा नेपालमा ३ सय ५० सदस्य मा पनि भागबन्डा भएको छ।९३-९३ जना महन्थ ठाकुर र राजेन्द्र महतोले पाउने भएका छन् भने ४०-४० जना शरद सिह भण्डारी र महेन्द्र राय यादव ले पाउने भएका छन् ।त्यसै गरि अनिल झा र राजकिशोर यादवले ३०-३० जना केन्द्रिय सदस्य पाउने भएका छन् ।
त्यसैगरि १०१ सदस्य भएको राजनीतिक समिति मा २५ जना तत्कालीन राजपा नेपाल बाट रहनेछन् ।त्यसमा पनि राजपाले आफ्नो भित्र भागबन्डा गर्दा महन्थ ठाकुर र राजेन्द्र महतो ले ६-६ जना पाउने भएका छन् ।शरद सिह भण्डारी र महेन्द्र राय यादव ले ४-४ जना पाउने भएका छन्।यसै गरि अनिल झा र राजकिशोर यादवले ३-३ जना पाउने भएका छन् ।
उता समाजबादी पार्टी ले भने आफ्नो लिस्ट तयार पारिसकेको जनाएको छ।राजपा नेपालले लिस्ट तयार गर्न ढिलाइ गरेपछि समायोजन मा ढिलाइ भएको तत्कालीन समाजबादी पार्टी का नेताले बताए ।अब यस केन्द्र को समायोजन सिद्दिने लगत्तै प्रदेश गाउँ वडा सबैको समायोजन प्रक्रिया अघि बढ्ने बताइएको छ।
तपाईको प्रतिक्रिया !