प्रदेश नम्बर २का भुमि व्यवस्था कृषि सहकारी मन्त्री शैलेन्द्रप्रसाद साहले प्रदेश सरकार आर्थिक समृद्धिको बाटोमा अग्रसर रहेको बताउदै कृषिको विकास बिना आर्थिक विकास सम्भव नरहेको बताउनुभयो ।
प्रदेश दुग्ध विकास बोर्डको स्थापना र व्यवस्थापन गर्न बनेको विधेयक माथि प्रदेश सभामा उठेको प्रश्नको जवाफ दिदै मन्त्री साहले आफनो मन्त्रालयले दुधलाई आत्म निर्भर बनाउनको लागि क्रियाशिल रहेको बताउनुभयो । उहाले अहिले पनि बाहिरबाट दुध ल्याउनुपर्ने वाध्यता रहेको बताउनुभयो ।
मन्त्री साहले कृषि क्षेत्रको विकास भएको खण्डमा प्रदेशमा आर्थिक रुपमा विकास हुने बताउनुभयो । उहाले कृषि क्षेत्रको विकास भएको खण्डमा किसानहरु इस क्षेत्रमा क्रियाशिल हुने बताउनुभयो ।
त्यसैगरि विधेयकमाथि आफनो धारणा राख्दै प्रदेश सभा सदस्य डा. रिना यादवलृ दुधको मुल्य निर्धारण आवश्यक रहेको बताउनुभयो । उहालेले बजारमा कस्तो दुध गईरहेको छ यसको अनुमगनको समेत आवश्यकता रहेको बताउनुभयो । त्यसैगरि प्रदेश सभा सदस्य राम अशिष यादवले कृषि क्षेत्रलाई आत्म निर्भर र किसानहरुलाई यस तर्फ आकर्षित गराउनको लागि विशेष प्याजेक दिनुपर्ने बताउनुभयो । त्यसैगरि बच्चा राउत अहिरल उन्नतजातको पशु उत्पादनमा जोडदिनुपर्ने बताउनुभयो ।
प्रदेश सभामा बोल्दै सांसदहरुले किसानहरुलाई आत्म निर्भर बनाउनको लागि विभिन्न प्रकारको आर्थिक प्याकेज दिनुपर्नेमा जोड दिनुभयो । प्रदेश सभाको बैठकले सर्वसम्मततबाट प्रदेश दुग्ध विकास बोर्डको स्थापना र व्यवस्थापन गर्न बनेको विधेयक सर्वसम्मतले पारित गरेको छ ।
निजि सहकारी तथा सरकारी क्षेत्रको सहभागितामा दुग्धजन्य पदार्थ उत्पादन ,प्रशासन तथा बजारीकरण मार्फत दिगो आर्थिक समृद्धि हासिल गर्नको लागि बोर्ड स्थापना गर्न लागि विधेक ल्याइएको हो ।स्थानिय सरकारसंगको सहकार्यमा ग्रामीण क्षेत्रमा उत्पादित दुग्धजन्य पदार्थ सहरी क्षेत्रमा पुर्याउने सहज वातावरढा सृजना गर्ने लक्ष्य राखिएको छ ।
