काठमाडौं — जनता समाजवादी पार्टी (जसपा) नेपालले अधिकार, पहिचान र समानताको विषयमा सरकारको ध्यानाकर्षण गराउँदै संघर्षका कार्यक्रमहरू सार्वजनिक गरेको छ। पार्टीले मङ्सिरदेखि पौषसम्म विभिन्न चरणमा देशव्यापी विरोध कार्यक्रम सञ्चालन गर्ने घोषणा गरेको हो।
पार्टीका अनुसार संघर्षका कार्यक्रमहरू यस प्रकार रहेका छन्—
१. मङ्सिर १० — ज्ञापनपत्र बुझाउने
देशभरका सबै जिल्लाबाट जिल्ला प्रशासन कार्यालयमार्फत प्रधानमन्त्रीलाई मागसहित ज्ञापनपत्र बुझाइनेछ।
२. मङ्सिर ११–१५ — स्थानीय विरोध अभियान
प्रत्येक संसदीय क्षेत्रका सहर तथा बजार क्षेत्रमा विरोध प्रदर्शन, कोण सभा तथा जनपरिचालन कार्यक्रम सञ्चालन गरिनेछ।
३. मङ्सिर १९ र २१ — शान्तिपूर्ण धर्ना
जिल्ला सदरमुकामस्थित जिल्ला प्रशासन कार्यालय अगाडि मागसहितका प्लेकार्ड र ब्यानरसहित शान्तिपूर्ण धर्ना दिइनेछ।
४. मङ्सिर २७–पौष ४ — जिल्ला स्तरीय विरोध सभा
देशभरका विभिन्न जिल्लामा जिल्ला स्तरीय विरोध सभा तथा जनसभा आयोजना गरिनेछ।
५. प्रदेश स्तरीय जनप्रदर्शन तथा विरोध सभा
- पौष १२ — विराटनगर, कोशी प्रदेश
- पौष १४ — जनकपुर, मधेश प्रदेश
- पौष १५ — वीरगंज, मधेश प्रदेश
- पौष १७ — नेपालगञ्ज/भैरहवा, लुम्बिनी प्रदेश
पार्टीले आवश्यकताअनुसार सम्बन्धित जिल्ला र प्रदेश समितिहरूले आफ्नै निर्णयअनुसार थप आन्दोलन वा विरोध कार्यक्रम सञ्चालन गर्न सक्ने व्यवस्था पनि गरेको छ।
जसपाले शान्तिपूर्ण तर सशक्त आन्दोलनमार्फत अधिकार, पहिचान र समानताको पक्षमा जनसहभागिता विस्तार गर्ने लक्ष्य राखेको जनाएको छ।
तपाईको प्रतिक्रिया !