जनकपुरधाम, मंसिर १० गते। जनता समाजवादी पार्टी (जसपा) नेपालले आयोजना गरेको प्रदेश स्तरीय प्रशिक्षण कार्यक्रम आज जनकपुरधामस्थित शुभम होटलमा सुरु भएको छ।
पार्टीको स्कुल तथा प्रशिक्षण विभागद्वारा आयोजित उक्त कार्यक्रमको उद्घाटन जसपा नेपालका राष्ट्रिय अध्यक्ष उपेन्द्र यादवले गमलामा पानी हालेर उद्घाटन गरेका छन्।
उद्घाटन समारोहमा अध्यक्ष यादवले पार्टीलाई विचार, नीति र संगठनात्मक सबलताका साथ अघि बढाउन यस्तो प्रकारका प्रशिक्षण कार्यक्रम अत्यन्तै महत्वपूर्ण हुने बताएका थिए। प्रशिक्षणमा प्रदेशभरीका आएका पार्टीका नेता तथा कार्यकर्ताहरू सहभागी भएका छन्।
कार्यक्रममा पार्टीका अन्य वरिष्ठ नेताहरू, प्रशिक्षकहरू तथा स्थानीय प्रतिनिधिहरूको उपस्थिति रहेको थियो। प्रशिक्षण सत्र ३ दिनसम्म चल्ने स्कुल तथा प्रशिक्षण विभागले जनाइएको छ।
तपाईको प्रतिक्रिया !