वीरगंज : जिल्ला समन्वय समिति पर्सामा जनता समाजवादी पार्टी नेपाल (जसपा) र नेकपा (एमाले)को संयुक्त प्यानल विजयी भएको छ।
जिससको सभापतिमा जसपाका अजय सर्राफ भनिने निरञ्जन सा सोनार, उपसभापतिमा एमालेका पुरन प्रसाद कुर्मी, सदस्यहरुमा जसपाबाट वैयन्ती देवी, राजपति देवी, विनय प्रसाद कुर्मी तथा एमालेबाट श्रीकान्ती देवी, सुशिला कामी, रामप्रसाद यादव, सलिम मिया अन्सारी विजयी भएका छन्।
कुल २८ मतदाता रहेको जिससको चुनावको मतगणना अनुसार जसपा-एमाले प्यानलबाट सदस्यमा चुनाव लडेका विजय प्रसाद कुर्मीले १६ मत र अन्य उम्मेदवारले १५/१५ मत पाएका छन् भने नेपाली कांग्रेस र लोकतान्त्रिक समाजवादी पार्टी प्यानलका सदस्यका उम्मेद्वार मनोज रौनियारले १२ र बाँकी ८ जनाले १३/१३ मत पाएका थिए।
कांग्रेस-लोसपा प्यानलबाट सभापतिमा सरोज चौरसिया, उपसभापतिमा कुमारी सोनी, सदस्यहरुमा सन्दीप प्रसाद साह, मनोज रौनियार, महमुद राय, वसन्ती थरुनी, सीतादेवी थरुनी, भगवतीदेवी धिताल, प्रेम मुखिया विनले उम्मेदवारी दिएका थिए।
पर्सामा एक महानगर, तीन नगरपालिका र १० गाउँपालिका गरी कुल १४ वटा पालिका छन्। जसमध्ये कांग्रेसको १२, एमालेको १०, जसपाको ५ र लोसपाको १ गरी कुल २८ प्रमुख/उपप्रमुख निर्वाचित भएका छन्।
तपाईको प्रतिक्रिया !